മുഖം മറച്ചോരാട്ടിടയന്
ചോര കറന്നെടുക്കുന്നുണ്ട്
മാതൃദിനത്തില്
അനാഥാലയങ്ങളുടെ പശിയടക്കാന്
അണിയറയിലെവിടെയോ
അഴിഞ്ഞു വീഴുന്നുണ്ട്
വനിതാദിനത്തില്
ഭാരതാംബയാക്കപ്പെട്ടവളുടെ
ഭാവശുദ്ധി
പരിസ്ഥിതിദിനത്തില്
ഒരു മരം നടുന്നുണ്ട്
എരിവെയിലില്
പുറംപൊള്ളിമരിച്ച തമിഴന്റെ
ഓര്മകള്ക്ക് തണലേകാന്
വിശന്നുചത്തൊരു മാട്
തീന്മേശയില് അമറുന്നുണ്ട്
ഭകഷ്യദിനത്തില്
വിരുന്നിനെത്തിയവരുടെ
വെറിപൂണ്ട വെപ്രാളം കണ്ട്
കിണ്ടിയുടെ വാപൊത്തി
കര്മ്മി പറയുന്നുണ്ട്
ജലദിനത്തില്
ദാഹനാഡി പൊട്ടി മരിച്ചവരുടെ
ശാന്തിക്ക്
എള്ളെടുത്ത്.....പൂവെടുത്ത് .......ജലം തൊട്ട്.......